Göngugreining sjúkraþjálfara

Eirberg ehf. býður upp á nákvæma göngugreiningu með þrýstingsmælingu. Háþróaður búnaður er notaður við mælingar og greiningu í sérhönnuðu rými. Sjúkraþjálfari framkvæmir greininguna og veitir ráðgjöf um val á skóm, innleggjum og öðrum stoðtækjum. Göngugreining og ráðgjöf fyrir einstakling kostar 6.950 kr. og 4.750 kr. fyrir börn 7 -16 ára. Göngugreining er góður kostur fyrir þá sem eru með verki eða önnur stoðkerfisvandamál í fótum, ökklum, hnjám, mjöðmum og baki.

Fyrir börn yngri en 7 ára bjóðum við uppá líkamsstöðugreiningu, göngugreiningu án búnaðar og fræðslu með foreldrum.

Er gagn af göngu- eða hlaupagreiningu?
Ef þú þjáist af eftirfarandi kvillum getur göngu- eða hlaupagreining verið gagnleg fyrir þig:
- Verkir í baki, mjöðmum, nára eða hnjám
- Verkir í fótleggjum, beinhimnubólga eða stífleiki í kálfum
- Verkir í ökkla, hælum eða il (t.d hælspori eða plantar fasciitis)
- Þreyta/pirringur í fótum

Af hverju Eirberg?
Hjá Eirbergi starfa sjúkraþjálfarar með reynslu úr heimi íþrótta og líkamsræktar. Sjúkraþjálfarar eru sérfræðingar í hreyfigreiningu en þeir skoða og greina hreyfingar og sjá vel hvar vandi skjólstæðingsins liggur.
Sjúkraþjálfarar Eirbergs eru einnig sérfræðingar í þeim stoðtækjum, spelkum og stuðningshlífum sem fyrirtækið býður upp á og geta ráðlagt við val og notkun þeirra.
Sjúkraþjálfarar sjá hvort viðkomandi þurfi aukinn styrk eða liðleika í vöðvum eða liðum til að bæta hreyfimynstur og minnka þannig álag og verki.
Innleggja er ekki alltaf þörf.

Hvað er gert?
Einstaklingur mætir í bókaðan tíma á Stórhöfða 25 í verslun Eirbergs með hlaupaskó/íþróttaskó/gönguskó.
Þar hittir hann sjúkraþjálfara sem skoðar og greinir líkamsstöðu í standandi stöðu, hann skoðar einnig stöðu fóta og lengdarmun á fótleggjum.
Göngugreiningin sjálf er svo framkvæmd með Bodytronic® 130 tölvustýrðum göngugreiningarbúnaði sem byggir á þrýstingsmælingu undir fótum. Þráðlaus innlegg nema þrýsting fóta í standandi stöðu og í göngu. Myndræn lýsing sýnir á augljósan hátt þrýstingssvæðin undir fætinum, hvar þyngdarpunktur líkamans er staðsettur og á hvaða hátt þungi flyst eftir fætinum í göngu. Göngugreiningin er framkvæmd standandi, gangandi og hlaupandi annað hvort á göngubretti eða á gólfi.

Tímapantanir og fyrirspurnir má senda á sjukrathjalfarar@eirberg.is eða í síma 569 3100

Verð

  • Göngugreining (16 ára og eldri):  6.950 kr.
  • Göngugreining barna (7-16 ára):  4.950 kr.
  • Líkamsstöðugreining án búnaðar (börn til 7 ára): 3.950 kr.
  • Innlegg: verð frá 7.980 kr.
  • Innlegg barna: verð frá 5.950 kr.