Frí heimsending þegar verslað er yfir 10.000 kr. eða meira, allt að 20 kg.
Menu
Innkaupakarfa
Engar vörur í körfu.

Um Eirberg

Eirberg ehf. byggir vöruframboð á faglegum grunni þar sem starfsfólk kappkostar að veita afbragðs þjónustu.

Verslanir Eirbergs hafa nokkra sérstöðu hvað vöruval og gæði snerta þar sem góð upplifun viðskiptavina er okkur kær. Lögð er áhersla á innflutning og sölu vandaðra vara: til að efla heilsu og almenn lífsgæði; fyrir útivist og umhverfisvænan lífsstíl; ásamt snjalltengdum búnaði og stuðningsvörum sem auðvelda daglegt líf og styðja heilsumarkmið einstaklinga.

  • Eirberg Stórhöfða býður gott vöruval í rúmgóðri verslun með greiðu aðgengi. Heilbrigðismenntaður starfskraftur er til staðar sem veitt getur faglega ráðgjöf.
  • Eirberg Kringlunni býður allar vinsælustu vörurnar okkar á hverjum tíma. Verslunin er staðsett á fyrstu hæð við opið torg þar sem hægt er að slaka á með fjölskyldunni.
  • Vefverslunin eirberg.is er vaxandi og með gott vöruframboð. Verslunin nýtur þeirrar sérstöðu hér á landi að bjóða 365 daga skilarétt þegar verslað er á vefnum.

Markmið okkar og leiðarljós eru að efla heilsu, auka lífsgæði, auðvelda störf og daglegt líf.

Eirberg er rótgróið fjölskyldufyrirtæki sem á rætur að rekja til Ó. Johnson og Kaaber ehf. (stofnað 1906) og Hjálpartækjabankans, en ÓJ&K og Össur hf. stofnuðu Eirberg í lok árs 2000 þegar Heilbrigðisvörudeild ÓJ&K og Hjálpartækjabanki Össurar runnu saman í eitt fyrirtæki sem ætlað var að sækja fram á heilbrigðissviði og útvíkka sameinaða starfsemi með auknu vöruframboði.

Starfsemi þessara tveggja rekstrareininga sameinaðist undir merkjum Eirbergs ehf. 1. janúar 2001. Agnar H. Johnson gegndi stöðu stjórnarformanns frá stofnun og tók nokkru síðar einnig við starfi framkvæmdastjóra. Hann er nú eigandi og starfandi stjórnarformaður, Kristinn A. Johnson er framkvæmdastjóri og Rannveig Guðmundsdóttir er fjármálstjóri.

Hinn 1. janúar 2018 flutti Heilbrigðissvið Eirbergs (upphaflega starfsemin) yfir í nýtt systurfélag Stuðlaberg heilbrigðistækni ehf. Eirberg hafði vaxið og þróast frá því að vera miðstöð hjálpartækja yfir í framsækið fyrirtæki sem naut aukinna vinsælda með vandaðar vörur til heilsueflingar og bættra lífsgæða. Við stofnun Eirbergs var fjöldi starfsmanna 10 en 20 árum síðar var fjöldinn kominn í 40 hjá fyrirtækjunum tveimur.

Nafnið Eirberg er samsett orð sem kemur úr norrænni goðafræði en þar segir frá lækningagyðjunni Eir sem var ein af meyjum Menglaðar. Menglöð, sú hin sólbjarta, hefst við á Lyfjabergi með meyjum sínum þar sem sárir og sjúkir fengu lækningu meina sinna. Eir er hjálpin í neyð og heitið á hana til lækninga - sú sem eirir eða hlífir. Til gamans má benda á að Lyfjaberg er yfirleitt sýnt sem stuðlaberg.

ENGLISH

Eirberg stands for quality and professional service

Eirberg ehf. was founded in December 2000 with the merger of ÓJ&K's Health Products Division (established 1906) and Hjálpartaekjabankinn, established 1975 by the Icelandic Red Cross and Sjálfsbjörg (national federation for physically disabled people).

Eirberg is a well known name in Iceland and operates two retail stores in Reykjavik, one at Stórhöfdi and a store in the mall Kringlan - kringlan.is. Our webstore is growing every year. Eirberg offers products and service to increase people's health, well-being and security. Eirberg strives to be in the forefront in its fields, building Eirberg’s image on quality and service.

For further information please send us an E-mail at eirberg@eirberg.is or contact us by telephone +354 569 3100.